المدونة قيد التطوير

mohamed ismael salama

تعبت من السكات .. ( إرتجاليه )

تعليقان الجمعة, سبتمبر 03, 2010 , كتبها محمد إسماعيل سلامه


تعبت من السكات
وتعبت من الكلام
ومن عمري اللي فات
وم اللي جاي ادام

مين زيي في قلبه حنين
مكتوم وسط الأنين
حنين من غير سبب
والله ما اعرف لمين
!!

فتشت في الذكريات
ملقتش غير الجراح
وناس بتقول ده مات
وقلبي لسه براح
!!

تعبت من السنين
ودموعي السهرانين
وبسمه من غير معاني
تجلد قلبي الحزين
!!

تعبت من السكات
وتعبت من الكلام
ونفسي أرجع اوام
والله ما اعرف لمين
!!

وأسأل شمسي وطريقي
أنا قلبي عايش حقيقي ؟
واللا الدنيا حقيقي
مبتديش مجروحين ؟
*****
إقرأها في :

تعليقان على { تعبت من السكات .. ( إرتجاليه ) }

dark angel يقول...
11 نوفمبر، 2010 6:38 م [حذف]

كلام حلو اوى وكله احساس تسلم

محمد إسماعيل سلامه يقول...
3 ديسمبر، 2010 2:06 ص [حذف]

شكرا لتشريفك مدونتي المتواضعه وشكرا لإقتباسك أشعاري في مدونتك ومتابعتك لها ...
أعجبتني كثيرا الأفلام التي تضعيها في مدونتك خاصة فيلم شاوشانك .. عالمي بحق .. خالص تحياتي لك ِ

هل تريد التعليق على التدوينة ؟