المدونة قيد التطوير

mohamed ismael salama

دقيقة حداد

أضف تعليق السبت, مايو 26, 2012 , كتبها محمد إسماعيل سلامه

IMG0023A 28 يناير 2011


إلى كل إصحابي وحبايب قلبي ممن انتخب أحمد شفيق من أهل قريتي وجيران عملي وسكني: إنتوا صدقتوا إني معارض الراجل ، ده أنا كنت بهزر ، وحياتكم لو سألوكم عني قولوا منعرفوش ، ولو ليكم واسطه في طره ، وحياة أبوك يا شيخ إنت وهوا ما تنسى العيش والملح وتوصوهم على زنزانة فيها انترنت وصورة لأنجلينا جولي والشاكوش بتاع تيم روبنز في إصلاحية شاوشانك ، طبعا مش هوصيكم إن السجن يكون قريب من أي ترعه وإلا هفضل أحفر في الأرض بالشاكوش لحد ما اتوه في النفق ومعرفش أرجع الزنزانه تاني ..

طلب اخير معلش ، وحياتكم لو خدت إعدام ، عاوز اتعدم وأنا بتفرج على فيلم الأرض بتاع محموء المليجي ، وابئوا ادفنوني تحت الأرض من غير تربه بدل ما الفلول يشخوا علينا في الحياة والموت مش ناقصه مية صنان في الآخره يعني .. وابئوا اكتبوا على اللوحه اللي فوق دماغي وانا ميت :

إذا ما انقضَتْ عني من الدَّهر مُدّتي
فإن عزاءَ الباكيات ِقليل ُ
سَيُعرضُ عن ذكري وتسرقُ ثورتي
ويَحدثُ بعدي للخليل ِ .. فلول
ُ

محمد إسماعيل سلامه
1984-1984 ودقيقه حداد
facebook

هل تريد التعليق على التدوينة ؟