المدونة قيد التطوير

mohamed ismael salama

تخاريف ثورية

أضف تعليق الثلاثاء, يونيو 05, 2012 , كتبها محمد إسماعيل سلامه

المجلس العسكري:
عملنا كل اللي علينا اهو ومحدش راضي المركب تمشي!
....................
شفيق:
أنا الأمن والإستقرار من غيري البلد هتضيع والإخوان الفوضى ، أنا الخبرة والإخوان مبتعرفش ، أنا الحق والإخوان الباطل .. انا .. أنا .. ... أنا ربكم الأعلى يا ولاد الوسخه واللي عاجبه وهنجح "مبارك2"!
...........................
صباحي وعلى وابو الفتوح:
مجلس رئاسي مدني ومفيش انتخابات! وقانون عزل وطقم شاي للتحرير كله
..........................
الإخوان:
ياولاد الكلب فاضل اسبوعين ونمسك كل حاجه انتخبونا بس!
..........................
مجلس الشعب:
السادة الأعضاء الموافق على قانون ترميم المراحيض في ميدان التحرير علشان الريحه المعفنه اللي ملت وسط البلد والناس بتشخ على نفسها من الوطنيه ، يرفع يده!... أقلية .. خليهم يشخوا !!
..........................
توفيق عكاشه:
السبب هو الصهيونية العالمية الأمريكية القطرية الإسرائيلية واساسا فيه واحد اندبح في روسيا امبارح وبوتين اصلا كان معاه اخوان !! / متصل .. يا باشا بوتين ده شيوعي ومش مسلم اصلا ../ توفيق: يعني الإخوان اللي أزهريين يا خويا ، الطم والنبي ، والنبي لا ألطم .. اسمعوني وانتخبوا شفيق يا هتتخزوقوا وانا اولكم! انت يابني ياللي في الإخراج فين الشاي ، والبت بتاعة الشيشة فين ، جتكم الهم ربنا يقل مزاجكم .. كنا بنقول ايه ياخوالنا .. :)
..........................
الأزهر الشريف:
انا كتبت كل حاجه زي ما قال النبي ومقام سيدي العارفين امضوا بس واللي يقول عليه كارتر يمشي ماحناش اد امريكا يا خوالنا والنبي قال ولا تلقوا بايديكم إلى التهلكة !!
........................
الكنيسه:
شفيق وإلا انتقم منكم الرب! حاضر يا بونا !!
.......................
الإسلاميين:
مرسي بإذن الله ، سنحكم بشرع الله ، ونفرض الجزية وللشهداء الديه ورضاع الكبير ! ( كله من الدين واللي مش عاجبه بئى ) طيب يا عم الشيخ لكل مقام مقال تفتكر هيا دي الأحكام اللي تتقال في الوقت ده واللا شرع ربنا فيه أحكام بردوا بتدعوا للوحده والــ.. / يا عدوا الله إنه حكم الله يا عدو الله ... / طيب
.......................
الحركات الشبابيه:
6 أبريل: جيبتي البيبسي واللاب توب يا بوسي؟ ايوا يا ماجد ، ياللا ع التحرير يا روحي.ترررررررررررن الو يا مامي شوفتيني وانا ع الجزيرة / حبيب امه يا ناس متتأخرش عملا ليك فرخه تمام ، شالوم روحي
.......................
المتحدث باسم اي حاجه في اي حاجه :
أنا بعترض / ليه يا بني / اهو كده نرفض وخلاص احسن يقولوا عليا حمار ، انا برفض وخلاص.
........................
امهات الشهداء:
حسبي الله ونعم الوكيل قولتله دمك هيروح هدر يابني دي بلد وسخه مسمعش كلامي ، كان فرحه كمان شهرين.آه يا ناري يابني
.......................
مرسي مرشح الإخوان:
انا باعتباري رئيس! هعمل واسوي ، وطبعا باعتباري رئيس سوف يكون هناك مش عارف ايه ، وأكيد باعتباري رئيس ومن دلوقتي بقول كذا !! / سؤال يا كابتن بعد اذنك / تعمل ايه لو شفيق نجح/ لا يمكن/ يا سيدي افرض/لايمكن/ يا عمنا فرضا يعني/ لا يمكن ابدا مهما يكون انا الرئيس / مجلس رئاسي؟ ها حلو ؟!/لايمكن انا الرئيس انت متعرفش احنا طلع ميتين ابونا 80 سنه وما صدقنا يا جدع/ والشعب سيادتك اللي هيخش في بعضه ده / شعب ايه ، كله معايه انا الرئيس/ يا عمنا مش كده / بقولك ايه انا ماشي وافتكر ان انا الرئيس!
...........................
شاب متعلم وشكله محترم واقف في الشارع لواحد زيه : ممعكش سيجاره ، وحياتك ولا فلوس اروح خخخخخخخخ
..........................
خريج :
معايه المكوه والملايه للعروسه والموداااااااااااااااااااااااااااااام
.........................
طالب أزهري في امتحان شفوي:
الدكتور : ها ، حافظ كام جزء يا بيه ؟!
خمسه من سته يا دكتر
الدكتور:
قوم يا حبيبي احفظلي الجزء اللي فاضل وتعالالي السنه الجايه!!!!
..........................
مبارك في محبسه:
ترررررررررررن فين السيمونفميه يا بهايم؟
مامور سجن برتبة فريق: سلامة النظر يا باشا ، ادامك من خمس دقايق .. بالهنا والشفا ....
...........................
واحد بينضرب من مية نفر في المواصلات عشان كان قاعد قاعده مش ولابد:
الست الغلبانه
/ يالهويييييييييي والله جوزي يا ولاد الكلب، الحقونا
..........................
مصر بعد شهر واحد على الجزيرة :
هذا وفي خبر عاجل فقد حاصرت قوات التحالف الدولي مدينة السويس وطلب قائد المارينز الأمريكي من الأهالي تسليم الشيخ حافظ سلامه ( تار قديم من ايام الإستنزاف ) ويجعله عامر ....
facebook

هل تريد التعليق على التدوينة ؟